Shëndeti mendor si temë kryesore gjatë ditës së tretë të Javës së Krenarisë

06 10 2022

Gjatë ditës së tretë të Javës së Krenarisë 2022 përqendrimi u vendos fillimisht në diskutimin mbi shëndetin mendor në hapësirën Shtatëmbëdhjetë. Ky diskutim ka trajtuar çështjen e mirëqenies emocionale dhe psikologjike të personave LGBTQI+ në Kosovë. Gjatë diskutimit u përmend dhe u ritheksua nevoja e menjëhershme që institucionet publike shëndetësore ta trajtojnë me seriozitet shëndetin mendor të komunitetit LGBTQI+ pasi që shëndeti mendor I personave LGBTQI+ është shumëfish më i cënueshem për shkak të rrethanave sociale në Kosovë.

Tutje, në Kino Armata në ora 16:00 u mbajt ngjarja ”pasditja poetike” ku u performuan poezi queer shqipe. Gjatë këtij eventi pjesëmarrësit patën mundësinë që t’i ndajnë poezitë e tyre me publikun.

Në Bubble Pub u mbajtën dy aktivitete, i pari ishte një diskutim "Trans gratë janë gra" I cili kishte për qëllim të rris ndërgjegjësimin, të nxitë përpjekjet e avokimit dhe të shkëmbejë njohuri lidhur me situatën e trans grave në Kosovë. Gjatë këtij diskutimi pjesëmarrësit dhe folësit patën mundësinë që të rrëfejnë ngjarje në lidhje me sfidat që trans gratë i përjetojnë në Kosovë.

Kurse ngjarja e dytë ”Karaoke night” në Bubble Pub ishte edhe ngjarja përmbyllse e ditës së tretë të Javës së Krenarisë.