EKSPOZITË KOLEKTIVE: NORMAL LOVE
4 QERSHOR
19:00
Ish Biblioteka Hivzi Sylejmani - CNP, Prishtinë

Ekspozita ‘Normal Love’ vjen si nevojë e një ballafaqimi të pareshtur me absurditetin e qëndrimeve të diktuara nga përvetësimi i një sistemi të tërë vlerash që shpesh herë na serviret si normalitet. Një terminologji e abuzuar dhe abuzuese, që operon pothuaj eksluzivisht përmes një lenteje heteronormative dhe aspak gjithëpërfshirëse. Normal Love - një referencë e drejtpërdrejtë e filmit me të njëjtin titull nga regjizori dhe performuesi shumë dimensional i avantgardës amerikane të viteve 1960 Jack Smith, ironizon pikërisht këtë ide të normalitetit të imponuar dhe ku si revoltë, krijesa të mrekullueshme hermafrodite ngjyrosin imazhet e flakëruara të projektorit analog.

Përmes veprave të artistëve/eve pjesëmarrës/e, ekspozita shtron pyetjen se kush e përcakton atë që konsiderohet normale, natyrore, e pranueshme apo legjitime. Ajo na fton t’i kthehemi dashurisë: të vërtetës së thjeshtë jashtë konstrukteve shoqërore. “Normal Love” reflekton mbi dashurinë si forcë që ndërton komunitet — përtej racës, kombësisë, gjinisë apo orientimit — dhe si kërkesë e përbashkët njerëzore për dinjitet, siguri, dukshmëri dhe të drejtën për të ekzistuar lirshëm. Në Kosove ende jemi në mes të betejeva konkrete; në debatet për rreth Kodit Civil, nevojën për strehim të sigurt për personat LGBTIQ+, mbrojtjen nga diskriminimi, kujdesin shëndetësor afirmues gjinor dhe njohjen ligjore të identitetit gjinor. Këto nuk janë privilegje, por të drejta themelore. 

Kuratore: Blerta Hocia 

Artistë/e pjesëmarrës/e: Astrit Ismaili, Abi Shehu, Dardan Zhegrova, HAVEIT, Erjola Zhuka, Kairo Urovi 

Ngjarja është e hapur për të gjithë.